Beplande protes vandag teen tolgeld op die N4
Written by Mireille on March 28, 2023
Die SAKP en Cosatu in Mpumalanga protesteer vandag teen wat hulle buitensporige hoë tolgelde op die N4 en N17 noem.
Dit sal volgens beplanning om 10:00 by verskeie tolplazas begin.
Dit sluit in die Nkomazi-, Machadodorp-, en Middelburg-tolhekke op die N4 sowel as die Ermelo- en Trichardt-tolhekke op die N17.
Die fokus sal op die Machadodorp-tolplaza wees waar ‘n gewone voertuig nou R112 in tolgeld betaal.
Hulle eis onder meer ‘n verlaging van 50% in die tolgelde wat tans gehef word, sowel as dat alle nasionale paaie deur die staat beheer word, eerder as derde partye.
