Bestuurder loop km’s vir hulp na ongeluk

‘n Vragmotorbestuurder moes gisteroggend sowat 2 km loop om hulp te bekom na hy op die R38 tussen Barberton en Badplaas in ‘n ongeluk was.

Die man het beheer oor sy vragmotor verloor en het by die wal afgery.

Hy kon weens ‘n gebrek aan selfoonsein nie hulp ontbied nie en het besluit om te stap.

Die beseerde bestuurder is deur Emer-G-Med paramedici langs die pad gevind.

Hy het ‘n gebreekte arm en matige beserings opgedoen en is na ‘n nabygeleë hospitaal geneem vir verdere behandeling.

Sien ook: Kunsmark werklik klein winkelsentrum