Man brand in sweeftuig-ongeluk

‘n Jong man het Vrydag ernstige brandwonde opgedoen nadat hy met sy sweeftuig in elektriese drade verstrengel geraak, en geval het. Die voorval het tydens die jaarlikse Barberton Paragliding Open, plaasgevind. Die drade het glo ‘n vuur op die grond veroorsaak, en die 21-jarige man, Kelvin van Baalen, se klere het aan die brand geslaan. Hy het glo brandwonde oor 80 persent van sy liggaam opgedoen. Hy is per helikopter na Netcare Millpark in Johannesburg geneem.