100.5FM Nuus
20 September
07:00
# Waarskuwing oor groot koue die naweek
# VSA waarsku teen ‘n eskalasie ná Israelse aanval in Libanon
# En Proteas gemotiveer om beter te speel in 2de eendagwedstryd teen Afghanistan
# Die Suid-Afrikaanse Weerdiens waarsku teen beduidende dalings in temperature die naweek – ook in die Laeveld. Samke Thwala, ‘n weervoorspeller by die weerdiens, sê na ‘n hittegolf ervaar die land nou ‘n kouefront. Mpumalanga, KwaZulu-Natal en die Vrystaat sal vanaf vandag betreklik kouer wees. Sneeu selfs moontlik in dele in die Suide van Mpumalanga soos Piet Retief en Standerton. Thwala sê in die Laeveld sal dit teen Sondag nog kouer word.
# Die regering sê die daling in rentekoerse gee noodsaaklike verligting aan sakeondernemings en huishoudings, terwyl die ekonomie van onlangse probleme herstel. Die Suid-Afrikaanse Reserwebank se monetêre beleidskomitee het die terugkoopkoers met 25 basispunte verlaag tot agt-persent. Dit is die eerste daling in vier jaar. Die regering se woordvoerder, Nomonde Mnukwa, sê hierdie positiewe besluit van die Reserwebank kom terwyl ekonomiese aanduiders bemoedigende tekens van stabiliteit toon: KLANK: ENG MnukwaOnEconomy
# Die voormalige uitvoerende hoof van die SABC, Hlaudi Motsoeneng, het sy vierde appèl verloor om die suksesfooi van 11,5-mijoen-Rand terug te betaal wat in 2016 an hom toegeken is. Die Konstitusionele Hof het sy appèl verwerp en vorige uitsprake onderskryf dat die betaling onwettig was. Motsoeneng moet die bedrag met rente terugbetaal aangesien sy dienskontrak nie voorsiening gemaak het vir sulke bonusse nie. Die Spesiale Ondersoekeenheid vorder steeds die oorblywende fondse in van sy pensioenvoordele.
# Die Amerikaanse Departement van Buitelandse Sake is verbind tot die verdediging van Israel teen terroriste-organisasies wat Hamas, Hisbolla en ander Iranse groepe insluit. Minstens 37 mense is dood en byna drie-duisend beseer in ‘n vlaag van ontploffings in Libanon in ‘n aanval wat Hisbolla se roepradio’s en tweerigtingradio’s geteiken het. Die verklaring van Amerika volg na die Israelse Departement van Verdediging ‘n nuwe fase in die oorlog aangekondig het. ‘n Woordvoerder van die departement sê hulle wil nie hê enige party moet die konflik eskaleer nie: KLANK: ENG MillerOnEscalation
# Krieket: Die veelsydige Protea-speler, Wiaan Mulder, sê hul geskiedkundige nederlaag teen Afghanistan in die eerste internasionale eendagwedstryd in Sharjah, was pynlik en hulle moet beter doen. Hy het Woensdag met 52 die grootste bydrae gelewer tot Suid-Afrika se totaal van 106, maar Afghanistan het hulle met ses paaltjies afgeransel. Die tweede eendagwedstryd vind vandag plaas. Mulder sê hulle moet beter planne beraam teen Afghanistan se jong wegbreekbouler, Allah Mohammed Ghafanzar, wat drie paaltjies platgetrek het: KLANK: AFR MulderOnGhafanzar
# Die rand verhandel teen 17-rand 48-sent teen die dollar, 19-rand 53-sent teen die euro en 23-rand 25-sent teen die pond. Bitcoin verhandel teen 63-duisend-787-dollar 61-sent. Die prys van goud is twee-duisend-592-dollar 42-sent per fynons en die prys van Brent ruolie 74-dollar 67-sent per vat.
==============
20 September
08:00
# MK Party veroordeel Eskom se terugvordering van 8-miljard-Rand wat Nersa goedgekeur het
# Israel bombardeer suidelike Libanon
# En Springbok-vroue behaal skitterende oorwinning oor Spanje
# Die MK Party het Eskom veroordeel nadat hy agt-miljard-Rand wat die Nasionale Energiereguleerder van Suid-Afrika goedgekeur het vir die 2021/22-boekjaar teruggevorder het. Die party het aangevoer die hoë steenkoolkoste wat ‘n aansienlike deel van die kragvoorsiener se uitgawes vorm, raak verbruikers se elektrisiteitspryse direk. Tydens ‘n Parlementêre debat het Brian Molefe van die MK Party ‘n beroep gedoen vir die regulering van steenkoolpryse in plaas van elektrisiteitspryse, en vir ‘n ondersoek na die soewereine waarborge van 900-miljard-Rand vir hernubare energie-ondernemings: KLANK: ENG MolefeOnElectricityDebate
# Die DA doen ‘n beroep op die Mpumalanga Departement van Openbare Werke, Paaie en Vervoer om die skuld en verantwoordelikheid te neem vir al die onvolledige en vertraagde infrastruktuurprojekte in die provinsie. Tydens ‘n inligtingsessie aan lede van die Nasionale Raad van Provinsies is onthul dat 26 infrastruktuurprojekte óf onvolledig óf vertraag is. Dit is weens swak prestasie van kontrakteurs, geen of laat betaling van kontrakteurs, onvoldoende begroting en ontwrigting deur sakeforums. Teboho Sekaledi, ‘n DA-lid van die Mpumalanga-wetgewer, sê projekte raak skole, hospitale, paaie en die Parlementêre Dorpie. KLANK:
# Die polisie het ‘n snelweg-patrollie gestig om misdade waarin motoriste, pendelaars, rylopers en toeriste op Mpumalanga se paaie geteiken word, hok te slaan. Dit kom na volgehoue aanvalle, veral deur sogenaamde “blouligbendes” wat hulself as wetstoepassers voordoen om mense te beroof. Die LUR vir Gemeenskapsveiligheid, Jackie Macie, het gister ses voertuie, toegerus met outomatiese nommerplaat-herkenning en ander “misdaadbestrydings-tegnologië” bekendgestel. Hulle sal tussen die drie distrikste in die provinsie ontplooi word.
# Nuus uit die buiteland: Israeliese vegvliegtuie het dosyne aanvalle regoor die Suide van Libanon uitgevoer laat gisteraand. Dit was etlike ure na die Hisbolla-leier, Hassan Nasrallah, vergelding beloof het vir die vlaag aanvalle op Hisbolla-lede deur roepradio’s en tweerigtingradio’s. Die Israeliese Weermag sê hy het honderde vuurpyllanseerders geteiken wat volgens hulle in die nabye toekoms gebruik sou word. Volgens Reuters is dit die swaarste lugaanval sedert die konflik in Oktober begin het.
# Sport: KLANK:
# Die rand verhandel teen 17-rand 48-sent teen die dollar, 19-rand 52-sent teen die euro en 23-rand 24-sent teen die pond. Bitcoin verhandel teen 63-duisend-885-dollar 13-sent. Die prys van goud is twee-duisend-592-dollar 91-sent per fynons en die prys van Brent ruolie 74-dollar 65-sent per vat.
# En Sappi het aangekondig Graeme Wild neem op 1 Desember oor as uitvoerende hoof van Sappi Suider-Afrika. Wild, wat tans die maatskappy se vise-president van verkope en bemarking is, volg Alex Thiel op, wat 14 jaar as uitvoerende hoof gedien het. Thiel behartig nou nuwe strategiese projekpligte tot sy aftrede aan die einde van Desember 2025. Wild het in 1995 by Sappi aangesluit.
=================
20 September
09:00
# RISE Mzansi vra ondersteuning vir Eskom te midde van inkomsteverhaling
# Rentekoersverlaging wyd verwelkom
# En kaartjies vir die MTN-8-eindstryd binne ure uitverkoop
# RISE Mzansi vra vir voortgesette ondersteuning vir Eskom om energiestabiliteit in stand te hou en infrastruktuur vir transmissie uit te brei. Makashule Gana van die party het tydens ʼn debat oor die inkomsteverhaling van agt-miljard-Rand deur die nutsmaatskappy gewaarsku dat, sonder behoorlike befondsing, Eskom voor verdere uitdagings te staan mag kom. Gana gee erkenning aan onlangse verbetering in die leierskap van Eskom wat beurtkrag vir meer as 150 dae beëindig het: KLANK: ENG GanaOnElectricityDebate
# Build One South Africa sê die besluit van die Suid-Afrikaanse Reserwebank se monetêre beleidskomitee om die rentekoers met 25 basispunte te verlaag, moes lankal gebeur het. Die land se terugkoopkoers is nou agt-persent en die prima uitleenkoers is 11-komma-5-persent. Bosa-woordvoerder, Roger Solomons, sê indien rentekoerse dieselfde gebly het, sou dit huishoudings finansieel verder benadeel het. KLANK: ENG SolomonsOnRateCut
ActionSA het ook die verlaging van die terugkoopkoers verwelkom. Die koersverlaging is allerweë verwag na die Amerikaanse Reserwebank sy koers met 50-basispunte verlaag het. Alan Beesley van ActionSA sê, hoewel dit ‘n positiewe stap is, is daar ruimte vir verdere optrede: KLANK: ENG AlanonReduction
# Die DA in Mpumalanga sê die Premier, Mandla Ndlovu, behoort die LUR vir gesondheid, Sasekani Manzini, af te dank. Dít omdat die jongste MIV-statistieke, wat deur die Raad vir Geesteswetenskaplike Navorsing bekendgemaak is, toon dat die provinsie die hoogste voorkoms van die virus in Suid-Afrika het, teen 17-komma-4-persent. Onder jeugdiges tussen 15 en 24 jaar oud is die 7-komma-8-persent voorkoms gelyk aan sowat 890-duisend mense. Bosman Grobler van die DA sê dit is te wyte aan swak leierskap.
# Sokker: Kaartjies vir die MTN-8-eindstryd tussen Orlando Pirates en Stellenbosch FC in die Moses Mabhida-stadion in Durban op 5 Oktober is gister binne vier ure uitverkoop nadat verkope begin het. Die Buccaneers het vier van die afgelope vyf plaaslike bekertitels onder die Spanjaard, José Riveiro, gewen – die MTN-8 twee keer en die Nedbank-beker twee keer. Stellenbosch word sedert 2017 afgerig deur Steve Barker en het verlede seisoen die Carling Uitklopbeker ingepalm.
# Die rand verhandel teen 17-rand 48-sent teen die dollar, 19-rand 53-sent teen die euro en 23-rand 24-sent teen die pond. Bitcoin verhandel teen 63-duisend-828-dollar 06-sent. Die prys van goud is twee-duisend-592-dollar 88-sent per fynons en die prys van Brent ruolie 74-dollar 68-sent per vat.
===============
12:00
# Cosatu ondersteun Wetsontwerp op die Suid-Afrikaanse Uitsaaikorporasie se doelstellings
# Trump kritiseer Joodse Amerikaners wat nie vir hom stem nie
# Gholf: LIV-spelers kry toestemming om aan Amerikaanse Ryderbeker en PGA-kampioenskap deel te neem
# Cosatu sê hy ondersteun die doelstellings van die Wetsontwerp op die Suid-Afrikaanse Uitsaaikorporasie wat die openbare uitsaaier se bestaande wetgewende bestuur wil moderniseer en hersien. Die wetsontwerp wil die doeltreffendheid van die SABC se operasies versterk. Cosatu-woordvoerder Matthew Parks sê hulle is egter bekommerd omdat die wetsontwerp nie voorsiening maak vir verteenwoordiging vir werkers op die raad soos die Uitsaaiwet bepaal nie: KLANK: ENG MatthewonSABC
# Die Zoeloe-koning, Misuzulu KaZwelithini glo sy veiligheid word bedreig en het ‘n skriftelike versoek aan die minister van Polisie, Senzo Mchunu, gerig vir ‘n dringende vergadering. Volgens News24 het KaZwelithini versoek dat ‘n lid van die Presidensiële Beskermingsdiens wat aan hom toegewys is, weens veiligheidsredes uit sy pos onttrek word. Hy sê hy is ongemaklik om die beampte by hom en in sy koninklike huishouding te hê, maar hy het nie redes verskaf nie. Mchunu se kantoor het die ontvangs van die koning se brief.
# Zero Carbon Charge doen ‘n beroep op die regering om die belangrikheid van buite-netwerk, hernubaar-aangedrewe laai-infrastruktuur in die stryd teen klimaatsverandering te erken. Die landwye ontwikkeling van 120 sonkrag-aangedrewe elektriese voertuig-laaistasies is gereed om Suid-Afrika te help om sy CO2-verminderingsteikens te bereik. Zero Carbon Charge sê die nasionale netwerk is tans nie toegerus om ‘n hele vloot elektriese voertuie te laai nie. Hulle doen ook ‘n beroep op die regering om vir groter steun vir groen projekte deur rompslomp te verminder.
# Die voormalige Amerikaanse president, Donald Trump, sê as hy die verkiesing in November verloor, sal Joodse kiesers baie daarmee te doen hê. Die Republikeinse Party-kandidaat het die opmerkings gemaak by die Israeli-Amerikaanse Raad se nasionale spitsberaad in Washington. ‘n Peiling deur Pew Research het bevind 69-persent van geregistreerde Joodse kiesers sê hulle steun die Demokrate, terwyl 29-persent sê hulle beskou hulleself as Republikeine. Trump voer aan hy was by verre nog die beste president vir die Joodse gemeenskap: KLANK: ENG TrumpOnJewishVoters
# Gholf: Spelers wat by die Saoedi-ondersteunde LIV-gholfliga aangesluit het, sal voortaan toegelaat word om aan die Ryderbeker en PGA-kampioenskap deel te neem. LIV-spelers sal nou lidmaatskap mag kry by die Amerikaanse PGA, dieselfde lidmaatskap wat spelers van die PGA-toer kry, asook dié van die DP World Tour en nege ander toernooie wêreldwyd. PGA Amerika sê die besluit om LIV by sy lys goedgekeurde toernooie te voeg, is om seker te maak die Amerikaanse Ryderbeker-span het steeds toegang tot die beste Amerikaanse spelers.
# FINANSIES
===============
13:00
# Professor Parsons meen verdere rentekoersverlagings is nou meer waarskynlik
# Noord-Carolina se Republikeinse kandidaat ontken beskuldigings dat hy homself ‘n ‘swart Nazi’ noem
# En Kylie Minogue onderneem haar grootste toer in tien jaar
# Die langverwagte begin van die siklus van rentekoersverlagings deur die Suid-Afrikaanse Reserwebank is goeie nuus vir sakeondernemings en verbruikers. Dit is die siening van professor Raymond Parsons van die Universiteit van Noordwes se Sake- en Bestuurskool. Die komitee het die terugkoopkoers met 25 basispunte tot agt-persent verlaag. Parsons sê die tydsberekening en die tempo van verdere rentekoersverlagings is nou meer waarskynlik as inflasievooruitsigte aanhou verbeter: KLANK: AFR ParsonsOnRepoRate
# Die EFF doen ‘n beroep op president Cyril Ramaphosa om 17 wetsontwerpe wat wag op sy handtekening op sy lessenaar te onderteken, insluitend die Wysigingswetsontwerp op Gemeenskaplike Eiendomsverenigings. Van hierdie 17 wetsontwerpe is sewe in Mei goedgekeur toe die sesde Parlement gehaas het om sy sake af te handel. Die EFF Parlementslid, Veronica Mente, het voorgestel die Konstitusionele Hof se betrokkenheid word benodig om die proses te bespoedig. Sy sê die Parlement moet verseker hierdie wetsontwerpe word wet, om Suid-Afrikaners te bevoordeel.
# Nuus uit die buiteland: Mark Robinson, die Republikeinse Party se kandidaat in Noord-Carolina vir die goewerneurspos, beloof om in die wedloop te bly na CNN berig het hy het op ‘n keer na homself as ‘n “swart Nazi” verwys. Hy het glo ook voorgestel slawerny moet terugkeer in kommentaar wat op ‘n pornografie-webwerf geplaas is. Die Afro-Amerikaner, wat die opmerkings ontdek, neem aan die November-verkiesing in Noord-Carolina deel teen die Demokratiese kandidaat Josh Stein, die staat se prokureur-generaal. Robinson, wat deur Donald Trump gesteun word, het glo ‘n geskiedenis van opruiende opmerkings.
# Sport: KLANK:
# FINANSIES
# En ten slotte: Die popster Kylie Minogue gaan volgende jaar haar grootste wêreldtoer in meer as tien jaar onderneem. Die toer begin in Februarie in haar geboorteland, Australië, voor sy na Asië vertrek en in Mei na die Verenigde Koninkryk. Die 56-jarige sal sommige van haar klassieke wêreldtreffers en liedjies van haar nuwe album Tension II sing, wat op die 18de van volgende maand vrygestel gaan word. Daar is nege splinternuwe liedjies op die album asook haar jongste danstreffer, Edge of Saturday Night.
================
15:00
# OUTA verwelkom uitlewering van voortvlugtige in Kusile-bedrogsaak, Michael Lomas
# Beskuldigde in miljard-rand Kaapstad-tenderbedrogsaak doodgeskiet
# Krieket: Suid-Afrikaanse vroue beklink T20-reeks teen Pakistan
# OUTA het die uitlewering geloof van die voormalige Eskom-kontrakteur, Michael Lomas, wat gekoppel word aan die Kusile-bedrogsaak van 745-miljoen-rand. Interpol het hom uitgelewer en hy sal saam met voormalige Eskom-bestuurders en ander beskuldigdes teregstaan. Lomas, wat in 2021 in Brittanje in hegtenis geneem is, is borgtog van 1,7-miljoen-rand en ‘n bykomende sekerheidsborg van 4,3-miljoen-rand toegestaan. Rudie Heyneke van OUTA het aan eNCA gesê verantwoording moet seëvier: KLANK: ENG-HeynekeOnLomas
# Die vierde beskuldigde in die behuisingstender-bedrogsaak van een-miljard-rand waarby die voormalige Kaapstadse burgemeesterskomiteelid vir Behuising, Malusi Booi, betrokke is, is in Beacon Valley, Mitchells Plain, doodgeskiet. Polisiewoordvoerder, Malcolm Pojie, het aan Newzroom Afrika gesê dat Abdul Kader Davids, sedert Dinsdag uit was op borgtog van 250-duisend-rand. Volgens hom is geen verdagtes in hegtenis geneem nie: KLANK: ENG-PojieOnMurder
# Die polisie in die suide van Pakistan het ‘n verdagte in ‘n godslaster-saak tydens ‘n beweerde skietery met gewapende mans doodgeskiet. Die oënskynlike tweede onregmatige moord binne ‘n week is deur menseregtegroepe veroordeel. Die polisie het die vermoorde man geïdentifiseer as ‘n dokter van die Sindh-provinsie, Shah Nawaz. Hy het twee dae tevore gaan wegkruip nadat hy daarvan beskuldig is dat hy die profeet Mohammed beledig het en godslasterlike inhoud op sosiale media gedeel het. Volgens Pakistan se omstrede wette oor godslastering, kan enigeen wat skuldig bevind word, ter dood veroordeel word.
# Krieket: Die Suid-Afrikaanse vroue het die T20-reeks teen Pakistan met 2-1 beklink met ʼn oortuigende oorwinning met agt paaltjies in Multan. Pakistan is ingestuur om te kolf nadat kaptein Laura Wolfaardt die loot gewen het en het 153 vir 5 aangeteken. Aanvangskolwer Tasmin Britz is gestonk vir ʼn nulletjie met die telling op drie. Wolvaardt en Anneke Bosch het daarna beheer geneem voor Bosch beseer uitgetree het op 46 met Suid-Afrika op 84 vir een. Annerie Dercksen het met ses viere en drie sesse die wenlopies behaal met nog nege balle oor.
# Die rand verhandel teen 17-rand 49-sent teen die dollar, 19-rand 54-sent teen die euro en 23-rand 29-sent teen die pond. Bitcoin verhandel teen 63-duisend-509-dollar 80-sent. Die prys van goud is twee-duisend-616-dollar 17-sent per fynons en die prys van Brent ruolie 74-dollar 40-sent per vat.
# En ten slotte: ‘n Vrou van Bournemouth was geskok nadat sy ‘n boete van amper 12-duisend-rand vir onwettige storting gekry het. Isabelle Pepin het ‘n IKEA-kabinet voor haar huis gelos vir verbygangers om te vat. Ná vyf dae het ‘n raadsbeampte vir haar gesê dis ‘n probleem en sy het sy het daarvan ontslae geraak. Drie weke later het sy ‘n boete ontvang, wat sy nou bevraagteken. Pepin het gesê sy ontvang oorweldigende steun van inwoners. Die manier wat sy gebruik het, word beskou as ‘n goeie manier om nuttige, ongewenste goedere te laat herwin
================
16:00
# Mpumalanga-man lewenslange tronkstraf opgelê weens moord op sy ma, wat hy van heksery beskuldig het
# Hisbolla vuur meer as 100 vuurpyle op Noorde van Israel af
# En rugby: Werner Kok hoop om ‘n verskil by Ulster te maak
# ‘n Man is vandag lewenslange tronkstraf met ‘n addisionele vyf jaar opgelê deur die Mpumalanga Hooggeregshof vir die moord in 2022 in Nsikazi op sy 64-jarige ma. Die 33-jarige Bongani Thulani Matsane het Thembi Ngwenya van heksery teen hom beskuldig. Hy het haar met ‘n skoffel aangerand en uiteindelik op haar bed aan die brand gesteek. Die hof het bevind sy skulderkenning was nie tekenend van enige berou oor sy dade nie.
# Saftu het die Suid-Afrikaanse Reserwebank ten sterkste veroordeel vir wat hy noem die voortgesette bewapening van monetêre beleid teen die werkersklas, ten gunste van die bankiers om inflasie te beveg. Die federasie se woordvoerder, Mogoshadi Maserumule, sê sedert die bank se agtereenvolgende rentekoersverhogings vanaf November 2021, sukkel huishoudings om by te bly met hul skuldverpligtinge. Sy sê die primêre begunstigdes van die bank se kruistog teen inflasie, was die banke en hul uitvoerende personeel: KLANK: ENG MogoshadionSARB
# Nuus uit die buiteland: Die militante groep, Hisbolla, het vandag meer as 100 vuurpyle vanuit Libanon oor die grens na die Noorde van Israel afgevuur. Volgens die nuusagentskap AP was dit 140 vuurpyle, terwyl die Israelse uitstaaier, Kan, dit op 150 beraam. Volgens nooddienste was daar nie onmiddelike berigte van enige ongevalle nie. Die Israelse weermag sê intussen hy het ‘n “geteikende aanval” op die Libanese hoofstad, Beirut, uitgevoer.
# Rugby: Die Verenigde Rugbykampioenskap skop hierdie naweek af met ses wedstryde. In een van die wedstryde sal Ulster gasheer wees vir die Glasgow Warriors. Ulster het nou ‘n nuwe Suid-Afrikaner in hul midde in die persoon van Werner Kok. Die Sharks-vleuel en voormalige Wêreldrugby-sewesspeler van die Jaar het ‘n tweejaarkontrak met die Ierse span gesluit. Die 31-jarige sê hy hoop om ‘n verskil by sy nuwe klub te maak: KLANK: ENG Werner Kok
# Die rand verhandel teen 17-rand 49-sent teen die dollar, 19-rand 54-sent teen die euro en 23-rand 29-sent teen die pond. Bitcoin verhandel teen 63-duisend-509-dollar 80-sent. Die prys van goud is twee-duisend-616-dollar 17-sent per fynons en die prys van Brent ruolie 74-dollar 40-sent per vat.
# En ten slotte: ‘n Tienermeisie en haar manlike metgesel het ‘n leë moltrein in die stad New York vir ‘n uitstappie ‘geleen’, ‘n botsing veroorsaak en toe die hasepad gekies. Foto’s wat deur die polisie vrygestel is, wys iemand in pienk klere, kompleet met ‘n pienk stortpet, en nog ‘n persoon in ‘n blou tenktop. Hulle het net ná middernag op 12 September op die leë trein by ‘n stasie in Queens geklim en dit op een of ander manier aan die gang gekry. Hulle het toe van agter in ‘n ander geparkeerde trein gebots.
================
17:00
# Nehawu vra Ramaphosa om Nasionale Gesondheidsversekering-wet in werking te stel
# Israel voer ‘geteikende’ aanval uit op Beiroet na Hisbolla vuurpyle afvuur
# En Protea-vroue beklink T20-reeks teen Pakistan
# Die vakbond vir onderwys-, gesondheid- en verwante werkers, Nehawu, vra president Cyril Ramaphosa om die Wet op Nasionale Gesondheidsversekering in werking te stel. Die vakbond se woordvoerder, Lwazi Nkolonzi, sê Nehawu doen ‘n beroep op Ramaphosa om hom nie deur beginsellose ingrypings te laat beïnvloed nie, soos dié van Business Unity South Africa, wat in wese teen die NGV gekant is: KLANK: ENG LwazionNHIAct
# ‘n Man is vandag ‘n effektiewe vonnis van lewenslange gevangenisstraf opgelê deur die Mpumalanga Hooggeregshof vir die moord in Nsikazi op sy 64-jarige ma. Die 33-jarige Bongani Thulani Matsane het sy ma, Thembi Ngwenya, in 2022 van heksery teen hom beskuldig. Volgens die woordvoerder van die Nasional Vervolgingsgesag in Mpumalanga, Monica Nyuswa, het hy haar met ‘n skoffel aangerand en daarna op haar bed aan die brand gesteek. Die hof het bevind sy skulderkenning was nie tekenend van enige berou oor sy dade nie. KLANK:
# Nuus uit die buiteland: Die Israelse weermag sê hy het ‘n “geteikende aanval” op die Libanese hoofstad, Beiroet, uitgevoer. Volgens Libanon se Nasionale Nuusagentskap, tel ten minste vyf kinders sover onder die sterftes. Die aanval volg na die militante groep, Hisbolla, vandag meer as 100 vuurpyle vanuit Libanon oor die grens na die Noorde van Israel afgevuur het. Volgens nooddienste was daar nie onmiddelike berigte van ongevalle nie. Dít het weer gevolg op dodelike toestel-aanvalle in Libanon vroeër die week, waarvan Israel beskuldig word.
# Sport: KLANK:
# Die rand verhandel teen 17-rand 50-sent teen die dollar, 19-rand 51-sent teen die euro en 23-rand 24-sent teen die pond. Bitcoin verhandel teen 62-duisend-991-dollar 11-sent. Die prys van goud is twee-duisend-610-dollar 82-sent per fynons en die prys van Brent ruolie 74-dollar 30-sent per vat.
# En ten slotte: ‘ʼn Thaise vrou is deur die polisie bevry nadat ʼn luislang haar vir meer as twee ure gewurg het. Die 64-jarige vrou het tuis aan die buitewyke van Bangkok skottelgoed gewas toe sy ʼn paar keer aan die been gebyt is. Die luislang het daarna om haar gekrul en sy het bykans twee ure lank gespook om haarself te bevry. Die bure het haar angskrete gehoor en die polisie ontbied. Reddingswerkers het sowat 30 minute gespook om haar te bevry. Luislange is nie giftig nie, maar versmoor hulle prooi.
================
