Borgtog vir man wat glo R1,5m se dagga smokkel

‘n 37-jarige man is gister borgtog van 1-duisend-Rand toegestaan in die Nelspruit-landdroshof.

John Mathebula word daarvan aangekla dat hy handel gedryf het in dagga met ‘n geraamde straatwaarde van R1,5-miljoen.

Sy arrestasie het gevolg na die Witrivier-honde-eenheid inligting ontvang het oor ‘n Toyota Corolla wat dwelms smokkel oor die grens.

Die voertuig is Vrydagaand tussen Barberton en Mbombela opgemerk en hy is naby Mataffin voorgekeer.

Hy het probeer weghardloop maar is aangekeer.

Mathebula se volgende hofverskyning is op 29 September.