{"id":7890,"date":"2020-07-22T16:55:14","date_gmt":"2020-07-22T14:55:14","guid":{"rendered":"http:\/\/www.radiolaeveld.co.za\/?p=7890"},"modified":"2020-07-22T17:05:22","modified_gmt":"2020-07-22T15:05:22","slug":"toerismeoperateurs-maak-hul-stemme-dik-oor-inperkingsregulasies","status":"publish","type":"post","link":"http:\/\/www.radiolaeveld.co.za\/toerismeoperateurs-maak-hul-stemme-dik-oor-inperkingsregulasies\/","title":{"rendered":"Toerismeoperateurs maak hul stemme dik oor inperkingsregulasies"},"content":{"rendered":"
Toerisme rolspelers s\u00ea hulle wil nie aalmoese van die regering h\u00ea nie, hulle wil bloot werk.
\nToerismeoperateurs het Woensdagoggend in hul massas teen die inperkingsregulasies betoog deur stadig in konvooi te ry vanaf Casterbridge-sentrum in Witrivier na Mbombela.
\nHylton Langley, \u2018n toergids wat die inisiatief begin het, het \u2018n petisie aan die LUR vir finansies, ekonomiese ontwikkeling en toerisme, Pat Ngomane, by die regeringsgeboue oorhandig.
\nDit is deur plaaslike mense wat in toerisme werk, onderteken.
\nIn die petisie vra hulle dat die bedryf so spoedig moontlik toegelaat word om te heropen.
\nHulle wil h\u00ea dat interprovinsiale reis weer moontlik gemaak word, en dat internasionale reisigers teen September weer Suid-Afrika kan besoek.<\/p>\n
Langley s\u00ea die oopmaak van plaaslike toerisme sal help, maar om die meeste mense se oorlewing te verseker, is internasionale besoekers nodig.
\nHy voeg by dat hulle na vyf maande van geen inkomste verdien desperaat is, en noodgedwonge afleggings in hul maatskappye moes doen.<\/p>\n\n