SANParke het hul meegevoel aan die familie betuig van \u2018n negejarige seun wat Saterdag in Skukuza in die Nasionale Krugerwildtuin (NKW) verdrink het.
\nVolgens die woordvoerder van die wildtuin, Ike Phaahla, het \u2018n sekuriteitswag sy liggaam laatmiddag sien dryf in die swembad in die area vir dagbesoekers.
\nHy het noodhulp toegepas, maar die kind, wat saam met sy gesin op besoek was aan die wildtuin, is op die toneel dood verklaar.
\nSy identiteit word weerhou uit respek vir die familie.
\n\u2018n Luiperd is gister deur SANParke van kant gemaak, na \u2018n werknemer in die Shalati-konsessie op pad werk toe aangeval is. Hy het terugbaklei en die dier het gevlug.
\nPhaahla s\u00ea hy het ernstige beserings opgedoen, maar dit is nie lewensbedreigend nie.
\nVeldwagters en die lugvleuel is gemobiliseer en die luiperd is van kant gemaak toe dit naby die toneel opgespoor is.
\nDaar word vermoed dat dit dieselfde luiperd is wat op 26 Junie \u2018n werknemer by Skukuza-gholfklub aangeval het. Daar word verwag dat hy ten volle sal herstel.
\nHoofveldwagter van die NKW, Cathy Dreyer, s\u00ea hulle probeer reeds sedert die vorige voorval om die dier te vang.
\n\u201cGegewe waar die voorval plaasgevind het, vermoed ons dat dit dieselfde luiperd is, maar ons kan nie seker wees nie. Inwoners en werknemers moet daarom ekstra op hul hoede wees en nooit alleen stap nie.\u201d
\nJerry Mabena, die uitvoerende hoof van Motsamayi Tourism Group wat Kruger Shalati en Kruger-stasie besit, s\u00ea hulle is geskok, maar verlig dat die werknemer oorleef het.
\n\u201cOns ondersteun sy fisiese en emosionele herstelproses ten volle. Hierdie dien om ons te herinner dat wilde diere in hul natuurlike habitat volgens die natuur optree. Ons bly respekvol dat ons in hul area teenwoordig is, terwyl ons die veiligheid van ons werknemers verseker.\u201d
\nDie karkas sal deur die staatsveearts ondersoek word.
\n\u201cOns ondersteun die ondersoek deur SANParke om die rede vir hierdie ongewone gedrag te probeer bepaal,\u201d sluit Mabena af. <\/p>\n
*Foto ter illustrasie<\/p>\n","protected":false},"excerpt":{"rendered":"
Skakel in op 100.5FM vir plaaslike nuus. <\/p>\n","protected":false},"author":14,"featured_media":14578,"comment_status":"closed","ping_status":"closed","sticky":false,"template":"","format":"standard","meta":{"_mi_skip_tracking":false,"_exactmetrics_sitenote_active":false,"_exactmetrics_sitenote_note":"","_exactmetrics_sitenote_category":0},"categories":[5,8],"tags":[1617,941,641,2876,507,2875],"yoast_head":"\n