Man wat vrou glo vermoor borgtog geweier
Written by Mireille on August 4, 2025
Die man wat daarvan beskuldig word dat hy sy vrou in November in Mbombela vermoor het, is Vrydag deur die Nelspruit-landdroshof borgtog geweier.
Dr. Nondumiso Sibanyoni is buite haar motor voor ‘n plaaslike gimnasium doodgeskiet.
Haar vervreemde man, Sifiso Vusimuzi Sibanyoni, is op 8 Julie in hegtenis geneem.
Hy word aangekla van moord met voorbedagte rade.
Die hof het beslis dat hy nie buitengewone omstandighede kon toon wat sy vrylating op borgtog regverdig nie.
Die hof het verder bevind dat sy vrylating die openbare orde kan versteur en dat daar ‘n risiko is dat hy met getuies kan inmeng of hulle kan intimideer.
Die saak is tot 5 September uitgestel vir verdere ondersoek.
Continue reading
