{"id":6085,"date":"2020-03-24T18:14:22","date_gmt":"2020-03-24T16:14:22","guid":{"rendered":"http:\/\/www.radiolaeveld.co.za\/?p=6085"},"modified":"2020-03-28T20:50:47","modified_gmt":"2020-03-28T18:50:47","slug":"hoe-raak-die-nasionale-inperking-jou","status":"publish","type":"post","link":"http:\/\/www.radiolaeveld.co.za\/hoe-raak-die-nasionale-inperking-jou\/","title":{"rendered":"Inperking re\u00ebls, hoe raak dit jou"},"content":{"rendered":"
Die 21 dae van nasionale inperking begin op 26 Maart om middernag. Nasionale inperking is \u0149 noodtoestand waarin alle Suid-Afrikaners verplig word om tuis te bly. Daar is wel enkele spesifieke omstandighede waarvoor jy die huis mag verlaat. Kruidenierswinkels, apteke, banke en ander noodsaaklike ondernemings gaan oop bly in hierdie 21 dae. Alle ander ondernemings sal gesluit wees.<\/p>\n
Wat mag ek doen tydens nasionale inperking?<\/p>\n
Mense wat vrygestel word van die nasionale afsondering is alle gesondheidswerkers, noodpersoneel, polisiebeamptes, verkeersbeamptes, milit\u00eare mediese personeel en soldate.<\/p>\n
Individue wat betrokke is by die produksie, verspreiding en verskaffing van kos en basiese goedere, bankdienste, die instandhouding van water en elektrisiteit asook telekommunikasiedienste, laboratoriumdienste en die verskaffing van mediese en higi\u00ebne-produkte word ook toegelaat om van die huis af weg te gaan.<\/p>\n
Van die ander maatre\u00ebls wat pres. Ramaphosa afgekondig het, is die volgende:<\/p>\n
* Suid-Afrikaners wat van ho\u00eb risiko-lande terugkeer, sal outomaties vir 14 dae in kwarantyn geplaas word. Ho\u00ebrisikolande sluit die volgende in: Itali\u00eb, Iran, Korea, Spanje, Duitsland, die VSA, die Verenigde Koninkryk, Frankryk, Switserland en China.<\/p>\n
* Nie-Suid-Afrikaanse reisigers uit daardie lande sal summier weggewys word;<\/p>\n
* Internasionale reisigers wat sedert 9 Maart uit ho\u00ebrisikolande in die land aangekom het, sal waar hulle tuisgaan in isolasie bly vir 14 dae; en<\/p>\n
* Alle internasionale vlugte na die Lanseria-lughawe word tydelik opgeskort.<\/p>\n
Die nasionale weermag het opdrag gekry om die polisiediens by te staan en seker te maak dat alle aangekondigde maatre\u00ebls streng toegepas word.<\/p>\n
Enigeen wat nie by die noodmaatre\u00ebls se bepalings hou nie, staar \u0149 streng boete of tronkstraf vir \u0149 maand in die gesig.<\/p>\n
Belangrike nommers:<\/p>\n
WhatsApp ondersteuning: 0600 123\u00a0456<\/p>\n
Noodnommer: 0800 029\u00a0999<\/p>\n