Hoe Word Ek 'n Lid?

Ondersteun Radio Laeveld deur 'n maandelikse debietorder van R50.00 (of meer?) te maak en natuurlik dan ook gereeld Radio Laeveld 100.5fm te luister om te hoor hoe jy meer voordeel  as lid van die 1000 Wennersklub, trek!

 Gaan loer gerus wat reeds in ons "Skatkis" uitgestal word deur hier te kliek.

Registreer as lid van die 1000 Wennersklub, deur hier te kliek (Registrasie op die Radio Laeveldforum) of kontak Radio Laeveld  by telefoon +27(0)13 741 2213 vir meer inligting.

Hoe Trek Ek Voordeel?

Elke kwartaal ontvang jy ons nuusblad, "100.5% Leesgenot" vol met interesante brokkies inligting, verjaarsdae, nuus oor programme, speletjies en pryse, en agter-die-skerms nuus!

Wen 'n verskeidenheid pryse uit die "Skatkis". Pryse sluit in geskenkbewyse, kaartjies vir vertonings, koffie met jou gunsteling aanbieder, spandeer tyd in die ateljee tydens jou gunsteling program, aandenkings deur bekendes geteken, geskenkpakke ens. Hierdie pryse kan slegs deur lede van die 1000 Wennersklub gewen word.

Met jou verjaarsdag of viering van 'n spesiale dag, soos byvoorbeeld 'n huweliksherdenking, maak ons dit spesiaal deur gelukwense op Radio Laeveld. 

Jy kan eksklusiewe Radio Laeveld aandenkings en kleredrag soos byvoorbeeld t-hemde, hoedjies, plakkate en plakkers en nog vele meer uit die "Skatkis" koop.

Luister gereeld Radio Laeveld vir wanneer aanbieders aankondigings maak oor waaraan en wanneer klublede kan deelneem.

Neem deel aan in-bel-programme aangesien die aanbieders jou ook kan beloon vir kwaliteit deelname met pryse.

Besoek gerus ons deelnemende adverteerders en wen deur by die adverteerder 'n vraag te beantwoord of 'n item te vind as deel van ons "skattejag".

Wat Gebeur Met My Persoonlike Besonderhede?

Geen lede besonderhede word aan derdepartye gelewer nie en Radio Laeveld gebruik ook nie die besonderhede vir enige "spam", bemarking of advertensie doeleindes nie.

Waar Sien Ek Watter Skatte Ek Kan Wen?

Besoek gerus die Radio Laeveld Kantoor vir 'n lys van skatte beskikbaar, of gaan na die "Skatkis"-bladsy op die webwerf hier te kliek.

Hoe Registreer Ek?

Volg die onderstaande skakel na die 1000 Wennersklub Forum en registreer of besoek die Radio Laeveld Kantoor (Faurie Straat 64, Sonpark, Nelspruit, Mpumalanga) om die registrasie vorm in te vul. Ons kan ook die vorm aan jou faks of e-pos.

Die 1000 Wennersklub Forum(Registrasie)

Indien jy nog onseker is, kontak nadine@radiolaeveld.co.za of skakel haar by +27(0)13 741 2213.

Maak gerus jou maandelikse bydrae by :

Bank                    : STANDARD BANK CROSSING

                       : NELSPRUIT

Rekening Nommer : 030353629

Rekening Naam     : Radio Laeveld

(Vir elektroniese betalings is die takkode vir Standard Bank nie meer nodig nie).

Sou jy verkies dat ons 'n debiedorder op jou rekening aanvra wat elke maand op 'n spesifieke datum afgetrek word, kies asseblief die DEBIETORDER skakel en laai die vorm af.

Vul dan asseblief die vorm in en faks dit terug aan ons by 086-524-4183 of 013-7412218. Jy kan enige tyd die debietorder stop sou jy nie meer 'n bydrae wil maak nie.