Vrou na bewering in Nelspruit vermoor

‘n 85-jarige vrou is dood in haar huisie by Macadamia Frail Care Centre, in Nelspruit aangetref. Die vrou, Hetta Potgieter, is glo in haar bad aangetref met ‘n serp om die nek. Haar hande was na bewering agter haar rug vasgebind. Polisiewoordvoerder, luitenant-kolonel Erhard Stroh, het gesê dat hulle ‘n saak van moord en huis-inbraak ondersoek. ‘n Nadoodse ondersoek sal die oorsaak van haar dood bevestig.