Verdagte gewond wat sekerheidswag by Riverside Mall doodskiet
Written by Mireille on April 21, 2025
‘n 35-jarige Mosambiekse man is gearreseer weens die moord op ‘n sekuriteitswag by Riverside Mall Vrydagaand.
Die polisiewoordvoerder, brig. Donald Mdhluli, sê die slagoffer het drie verdagte mans genader toe die verdagte hom met ‘n AK-47 in die kop geskiet het.
’n Skietery met ander sekuriteit het ontstaan en die verdagtes het gevlug.
Die man wat in hegtenis geneem is, is gewond en gevind waar hy op die inkopiesentrum se dak weggekruip het.
Die vuurwapen is in sy besit gevind.
Die ander twee verdagtes is steeds op vrye voet en die polisie doen ‘n beroep op enigiemand met inligting om na vore te kom.
Luister:
