Marknavorsing toon Afrikaans in nuwe lig

(soos deur Sarina de Beer (Direkteur: Ask Afrika) op Biz-Community geskryf, 1 Julie 2010)

 Verstaan die Afrikaanse (r)evolusie:

 Waarom is dit so winsgewend?  

Afrikaans word wyd gepraat, met 18% van die Suid Afrikaanse poppulasie wat dit sy huistaal noem. Dit is bekend dat die Afrikaanse mark winsgewende geleenthede vir maatskappye bied, met ongeveer 'n kwart van die totale besteebare inkomste in Suid Afrika. Volgens die TGI SA (Target Group Index South Africa) is Afrikaanse verbruikers twee keer meer geneig as die algemene poppulasie om in die hoogste inkomste vlakke te wees en verdien meer op 'n jaar tot jaar basis in vergelyking met die ander segmente. Uit navorsing deur die TGI SA gedoen, het Afrikaners 'n gemiddelde maandelikse persoonlike inkomste van R6 516 in vergelyking met die gemiddelde R4 648 van die totale poppulasie. Dit beteken dat die Afrikaanssprekende gemiddeld R2 000 meer  as die res van die Suid Afrikaanse mark het om te spandeer.

"Ons glo dit is tyd om van die afgesaagde en eentonige beeld van die Afrikaner as 'n hardkoppige, streng en strak siel, af te sien, en eerder na die Afrikaanssprekende as 'n moderne, kreatiewe en ryk aan verbeelding soort mens te kyk." (Morné Strydom). 

Die Afrikaanse mark het bewys dat dit lewensvatbare potensieël vir maatskappye bied, maar steeds 'n verwerpe,  stereotipe en meestal misverstane behandeling ontvang. Daar tog, ondanks die feit dat die tradisionele Afrikaanse verbruiker 'n groot groep is, enkele kopskuiwe in die mark te bespied. Maatskappye wat nie uit hierdie bron tap nie, deur die Afrikaner nie te verstaan of te stereotipeer, loop die risiko om van dié mark afgesonder te word. 

Die Toekoms

Dit is interresant om te sien dat net 22% van die Afrikaanssprekende, tradisie en kultuurgewoontes as belangrik respekteer teenoor die 33% van 2004. Ondanks die feit dat die waardes, geloof, tradisie en kultuur steeds emosioneel belangrik is, is daar 'n groot beweging waar die Afrikaanssprekende homself as minder ernstig opneem. Inteendeel die groep kan homself as 'n taalgroep met 'n sin vir humor sien, en kan oor homself lag en grappe maak. Die groep word as 'n sosiale eenheid wat sy tradisies lewendig hou deur musiek, dans en boerekos, gesien.  

Hoe definieër jy die Afrikaanssprekende?

Die Afrikaanssprekende beskryf homself as 'n trotse mens met deursettings vermoë, aangedui in die dramatiese verhoging van 11% in 2006 tot byna 14% in 2009, veral in die 45-64 ouderdoms groep. Dit dui op die waarde van Afrikaners wat Suid Afrikaans wees koester, deur trots Suid Afrikaans te wees en ondersteun. Alle ouderdomme word deur transformasie, veral in die werkplek, geaffekteer, maar die jonger Afrikaanssprekende deel nie dieselfde historiese agtergrond as die ouer generasie nie, en mag dus eerder die huidige kultuur en gemeenskap waarin hulle groot word, aanvaar.

Waar gaan die geld heen?

Finansieële sekuriteit is hoog op die prioriteitslys vir die Afrikaanse segment, wat inherent die beskerming teen skuld en die invloed van 'n ressesie is. Die neiging na finansieële sekuriteit, plaas die Afrikaanssprekende in 'n hoër as gemiddelde vlak vir dienste in die finansieële sektor soos, mediese-, lewens- en motor versekering. Hierdie segment dra ook meer as 'n derde van die land se huis- en motor versekeringspremies by.

Die goep is minder geneig om, sonder om na te dink, skuld of krediet aan te gaan. In vergelyking met die algemene poppulasie word Afrikaners hoofsaaklik deur prys beinvloed (5%), advies van 'n kenner (4%) of 'n verhouding op te bou (4%). Hulle is eerder bereid om in 'n toekoms of aftrede te belê. As gevolg van 'n gesonde finansieële neiging is die groep positief oor bellegings of aandele geleenthede. Hulle is meer geneig as ander groepe, om in finansieële produkte, veral huislenings, lewensversekering en assuransie belang te stel. 

Afrikaanssprekendes spandeer verantwoordelik en verstandig, wanneer dit by geldsake kom. In die algemeen neem hulle nie oormatige bedrae geld uit hulle beursies nie, en sal eerder gematig met dag tot dag inkopies omgaan. Die meeste Afrikaanssprekende verbruikers spandeer tussen R400-R499 per week op kruideniersware (11%) en R100 tot R149 op selfone per maand (17%). 

Meer Afrikaners is geneig om hulself te bederf as die gemiddelde poppulasie. Dit mag dalk met die "lipstiffie effek" vergelyk word waar die groep 'n kleinerige item van waarde sal aankoop as beloning of bederf item. Hulle sal eerder geld uitgee op vakansie (27%) of voertuie (15%) as die algemene poppulasie.  

"Afrikaners is plesierig"

Enorme borgskap geleenthede is in die Afrikaanssprekende gemeenskap beskikbaar, veral waar dit met rugby of sport geleenthede verbind word. Die gemeenskap is geneig om, meer as die algemene poppulasie, rugbywedstryde by te woon (7%). Dit wil voorkom, veral na die FIFA wêreldbeker sokker toernooi in 2010, of daar meer Afrikaanssprekendes, 3.6 (2009) as in 2006 (2.7%), nou sokker ondersteun.  Afrikaanssprekendes is ook deesdae meer as in die verlede,  geneig om hulle kinders na Engelse skole te stuur, waar hulle aan meer ander sportsoorte, soos sokker, blootgestel word. 

Televisie is baie gewild onder Afrikaanssprekendes. Hulle sal veel eerder televisie kyk as die algemene poppulasie, en is meer selektief oor die soort programme waarna hulle sou kyk. Die belangrikheid van Afrikaanse program inhoud word beklemtoon as die gewildheid van programme soos 7de laan (46.2%), Noot Vir Noot (37.8%) en Pasella (29%) gemeet word. Dit toon duidelik wanneer Afrikaners met 'n handelsmerk identifiseer, die kanse goed is dat dit 'n langtermyn verhouding sal wees. 

Hoe om met die mark te komminukeer ?

Behalwe vir Engelssprekendes is die Afrikaanssprekendes die mees intensiewe internet gebruikers. Google word die meeste deur Afrikaanssprekendes besoek wat weereens die vlak van opvoeding beklemtoon terwyl Afrikaanssprekendes hulle self aan 'n verskeidenheid van informasieplatvorms en forums blootstel. Internetbankdienste word oor die algemeen deur meer Afrikaanssprekendes in vergelyking met die res van die poppulasie gebruik, wat ook die orientasie ten opsigte van finansies beklemtoon.

Dit wil voorkom asof tradisionele bemarkingplatforms ten opsigte van dié gedeelte van die bevolking afneem en dat 'word of mouth' of oorvertel advertensie en pamflette die meer gewilde bron van informasie in die groep is. Hulle dui egter aan dat, anders as ander groepe van die bevolking, meer oorreedingstegnieke nodig is om produkte of dienste te ondersteun, en dat hulle eerder op meer opinies sou vertrou voor 'n besluit geneem word. 

Afrikaanse verbruikers ondersteun veel eerder 'n produk of diens as dit in sy eie taal aangebied word. Die soort verhouding spreek ook die emosionele en intelektuele vlak teenoor die produk of diens aan. Bemarkers is onder die verkeerde persepsie dat die Afrikaanse verbruiker oningelig, kwaad, konserwatief, en onaangetrek tot produkte of dienste is, en sukkel as gevolg hiervan om die mark geintereseerd te hou. Om die mark suksesvol te tref moet maatskappye eers van die tradisionele negatiewe persepsies ontslae raak en die Afrikaanssprekende verbruiker begin verstaan in die proses van verandering waarin hy homself bevind, en vir dit wat hy in werklikheid werd is. 

*Data in die artikel gebruik word uit 'n 2008/9 databasis monster van 14,147 Suid Afrikaanse volwassenes (16+) bereken. 

Meer besonderhede by Sarina De Beer (Direkteur van ASK AFRICA)

LEES GERUS OOK DIE BERIG SOOS IN SAKE RAPPORT 2009/07/12 VERSKYN HET 

Die koopkrag van Afrikaners

Wilma De Bruin skryf dat al staan die Afrikaanse verbruikersmark baie sterk en is Afrikaanssprekendes se bestedingsvermoë van die hoogste in die land, kry hulle nie hul regmatige deel van die reklamekoek nie. Dit blyk uit navorsing deur Ads24, nasionale verkoopspan van Media24-koerante.

Volgens hierdie navorsing verteenwoordig Afrikaanssprekendes, ondanks 'n volgehoue emigrasiestroom, die grootste deel van die wit bevolking, naamlik 58%. Altesame 77% van alle bruin mense in die land praat Afrikaans.

Die Afrikaanssprekendes in die land is 4,6 miljoen of net 16% van die totale mark, maar hulle verteenwoordig 28% van die land se huishoudelike besteding, blyk uit navorsing van Unisa se Buro vir Marknavorsing.

Bykans 40% van die boonste lewenstandaardgroep (LSM10) se huistaal is Afrikaans, terwyl 34% van die LSM 8-10-groepe Afrikaanssprekend is. Altesame 32% van Suid-Afrikaanse huishoudings met 'n inkomste bo R20 000 per maand is Afrikaans.

"Afrikaans is op twee na die grootste taalgroep in Suid-Afrika, dog is daar in die bemarkings- en reklamegemeenskap 'n neiging om, weens die produksiekoste van meertalige reklame, Afrikaans te ignoreer. "Maar as mens byvoorbeeld die ongedupliseerde leserskap van Afrikaanse koerante in ag neem, is dit baie duidelik dat die lesers lojaal is en nie bereik kan word deur net die Engelse media as reklamemedium te gebruik nie", sê me. Linda Gibson, uitvoerende hoof van Ads24.

Wat adverteerders nie besef nie, sê Gibson, is dat baie min Afrikaanssprekendes ook 'n Engelse koerant lees. Navorsing wêreldwyd, onder meer ook onder Spaans-sprekende Amerikaners en Vlaams-sprekende Belge, toon duidelik dat 'n advertensie in 'n verbruiker se huistaal baie meer doeltreffend is as in enige ander taal, ongeag die verbruiker se begrip of vlotheid van 'n ander taal.

Volgens me. Barbara Cook, voormalige ondervoorsitter van die SA Reklamenavorsingstigting en stigter van TGI SA, sê "doeltreffende reklame is geanker in die kultuur van 'n bepaalde teikenmark. Om 'n impak op verbruikers te hê, moet reklame hul kultuur, en dus ook die taal waarmee hulle identifiseer en waarin hulle dink, in ag geneem,".

Afrikaners is ywerige lesers

• 11,9 miljoen Suid-Afrikaners verstaan of lees Afrikaans.

• Gesamentlike Afrikaanse leserskap is 1,668 miljoen daagliks. Sondae is die leserskap 1,7 miljoen.

• 71% van Afrikaanse dagbladlesers lees geen ander daaglikse koerant nie.

• 74% van Afrikaanse Sondagkoerantlesers lees nie 'n ander Sondagkoerant nie.

• Sowat 60% van Afrikaanse dagbladlesers is intekenare.

• Afrikaanse koerantlesers lees Afrikaanse koerante omdat dit in Afrikaans uitgegee word en iets vir die hele gesin bied.

• Afrikaans het die afgelope 15 jaar 'n geweldige opbloei beleef en Afrikaanssprekendes is opnuut trots op hul taal.

• Oor die algemeen is Afrikaanssprekendes geesdriftige en toegewyde lesers van Afrikaanse publikasies.