R40 in Nelspruit, ongeluk.

30 Junie 2009 - Naranda Leeuwner

Die Mpumalanga regering moet die skool in Kwamhlanga, waar agt seuns wat ingelyf moes word tot volwassenheid, doodgebloei het tydens besnyding. Dit was die woorde van die DA-woordvoerder, Velly Manzini.

Skoendiewe verskyn in Belfasthof

Ses mans het gister in die Belfast Magistraat verskyn nadat hulle vermoedelik ‘n trok vol Italiaanse skoene, ter waarde van R600 000 gekaap het. Volgens Kaptein Leonard Hlathi, woordvoerder van die polsie, is Collins Mawarura, Matheus Matjanku, Gilbert Mungwazi en Marisa Tasunungwura van Zimbabwe verlede gearresteer  saam met Brandon Slimmerts en Basheer Raffee, van Suid-Afrika. ‘n Kaapse besigheidsman het die trok as vermis aangegee, vanwaar die polisie dit op die N4, oppad na Nelspruit gekry het. Die verdagtes het aan die polisie gesê hoe twee mans met ‘n blou BMW van die trok weggejaag het toe die polisie op hul spoor was. Volgens Hlathi was die polisie se plan om hulle met R5 000 om te koop sodat die groot base gekontak kan word. Die verdagtes het vir die lokval geval kort nadat die polisie hulle by ‘n vulstasie in Belfast vasgetrek het.

Nelspruit besigheids eienaars sterf in ongeluk

‘n Ongeluk wat Saterdagmiddag op die N4 buite Middelburg naby die Fonteinte afrit plaasgevind het, het vyf lewens geëis. Kallie en Nellie van Rooyen, die eienaars van Corridor Bricks in Nelspruit, is ook in die ongeluk dood. Die van Rooyens, wat woonagtig was in Witrivier, het teruggekeer ná ‘n vakansie in Namibië. Volgens Alana Klopper, menslike hulpbron bestuurder by Corridor Bricks, wil dit voorkom of die van Rooyens met ‘n blou Audi gebots het waarin drie insittendes was. Die begrafnis vind Donderdag vanuit die Hervormde Kerk in Witrivier om elf-uur plaas. Hulle word oorleef deur hul seun, Marius, wat tans nog direkteur is by Corridor Bricks.

R40 in Nelspruit, ongeluk.

29 Junie 2009 - Naranda Leeuwner

Daar het sopas ‘n groot ongeluk op die R40 rigting Witrivier plaasgevind. Volgens Cobus Els van Netcare 911, het ‘n taxi en ‘n voertuig met mekaar gebots. Hy sê vier persone is redelik ernstig beseer, waarvan een van die vier baie ernstig is. Hulle is onderskeidelik na die Medi Clinic en die Rob Ferreira hospitaal vervoer. Daar is tans nooddienste en verkeersbeamptes op die toneel om die verkeersopeenhoping te reguleer.  Jy kan ‘n alternatiewe roete neem deur van die Landbou Kollege pad gebruik te maak. Daar was ook ‘n botsing op die hoek van Russell en Marloth straat. Nooddienste is oppad na die toneel. Neem alternatiewe roetes indien jy van daardie paaie gebruik gaan maak.

Mbombela keur begroting goed sonder gemeenskap se insette.  

Die begroting vir 2009 – 2010 is verlede week deur die Mbombela munisipaliteit goedgekeur sonder dat die belastingbetalersvereniging se besware en die oortredings van verskeie wette en riglyne in ag geneem is.

Die munisipaliteit het steeds voorgegaan met die goedkeuring sonder die gemeenskap se betrokkenheid en slegs sewe goedgekeurde stemme. Dit sluit ‘n 43 % voorsiening vir salarisverhoging in, ten spyte van die globale depressie. ‘n Volgens Adri Smit van der Merwe, voorsitter van die Mbombela belastingsbetalersvereniging, toon  die operasionele begroting  ‘n groei van 24,8 %. Adri gee ‘n volledige verklaring tydens Dagblad tussen een-uur en twee-uur.

Vervalsde sertifikaat oortreders word vervolg.

Twee studente verpleegsters wat by die Shongwe hospitaal in Shoemansdal werk, is verlede week gearresteer omdat hulle vervalsde matrieksertifikate gebruik het. Hulle verskyn vandag in die hof op aanklag van bedrog.

‘n Interne ondersoek wat gevolg het, het tot die onmiddelike afdankking en arrestasie van die twee verpleegsters gelei. Volgens Kapt. Leonard Hlathi, woordvoerder van die georaniseerde misdaad-eenheid, is die polisie trots op die hosptiaal se positiewe samewerking om bedrog te bekamp. Die polisie waarsku mense egter teen die vervalsing van sertifikate en grade. Hlathi sê dis ‘n ernstige oortreding en oortreders sal ernstig vervolg word.

ATM-masjien in Siyabuswa opgeblaas

‘n ATM-masjien is Vrydag in Siyabuswa opgeblaas toe verdagtes in twee voertuie die sekuriteitswag by die Capitec bank oorval het. Volgens kapt. Leonard Hlathi, woordvoerder van die georganiseerde misdaad-eenheid, was daar ‘n ontploffing by die Capitec Bank. Die sekuriteitswag, wat daarin geslaag het om te ontsnap, het kort na die ontploffing die polisie in kennis gestel. Dis nog nie seker hoeveel kontant uit die ATM-masjien gesteel is nie, maar enige iemand wat as ooggetuie kan optree of meer inligting rondom hierdie voorval het, kan Leonard bel by: 082 462 0804.

Poging tot moord aanklag na bakleiery.

26 Junie 2009 - Naranda Leeuwner

‘n Vrou van Shoemansdal is gister vir poging tot moord aangekla nadat sy ‘n ma met ‘n skerp voorwerp aangeval het. Volgens supt. Abey Khoabane, provinsiale woordvoerder van die polisie, het die 20-jarige ma gehoor haar seun word aangerand. Sy het na die kamer gehardloop waar haar vriendin met haar seun baklei het. Tydens die konfrontasie het die vriendin die ma met ‘n skerp voorwerp aangeval en haar oor die kop geslaan. Die ma is na die naaste hospitaal geneem vir verder behandeling. Niemand se name kan tot dusver genoem word nie, omdat niemand nog in die hof verskyn het nie. Die ondersoek duur nog voort.

Kapings op stilpaaie weer bedrywig

‘n Trokbestuurder is gisteraand in Belfour gekaap toe ‘n wit Toyota Tazz die Mercedes Benz trok van die pad afgedwing het. Dit wil voorkom of die 61-jarige trokbestuurder vanaf Nigal ‘n vrag in Belfour wou aflaai toe die voorval plaasvind. Die trok het ‘n geraamde waarde van byne vyf-honderd-duisend-rand. Die bestuurder is ook van sy selfoon beroof. Die polisie waarsku mense van kapings-misdrywe en sê motoriste moet op die uitkyk wees vir voertuie wat verdag voorkom.

West Acres misdadigers steeds soek

‘n 27-jarige vrou is gister in West Acres, Nelspruit, deur drie verdagtes in die straat oorval. Die mans het haar met ‘n mes aangehou en haar beveel om haar handsak en ander persoonlike besittings te oorhandig. Volgens die die provinsiale polisiewoordvoerder, supt. Abey Khoabane, het die voorval helder oor dag plaasgevind. Sy is van meer as R600 kontant ook beroof. Die verdagtes is nog nie vasgetrek nie en Khoabane waarsku inwoners van West Acres om versigtig te wees en verdagte mense aan die polisie te rapporteer.

Vermiste vrou se lyk digby Witrivier gevind

Die 32-jarige Salomien Terblanche wat op 15 April vermis geraak het, se erg ontbinde lyk is eergister tussen Witrivier en Sabie in die plantasies gevind. Julie Kruger, by wie Salomien gebly het, het gesê boswerkers het op haar afgekom en die polisie dadelik in kennis gestel. Haar voertuig is reeds twee weke nadat sy vermis geraak het, in daardie omgewewing gevind, maar dit wil voorkom of haar lyk nie tóé daar was nie. Dis egter nog nie seker hoe lank sy al dood is nie en haar liggaam is vroeg vanoggend uitgeken. ‘n Nadoodse ondersoek vind Maandag en Dinsdag in Pretoria plaas. Volgens Julie gaan hulle later in volgende week of die week daarop ‘n roudiens vir Salomien hou. Sy het blykbaar geen polisse gehad nie en is bydraes welkom. Bel vir Julie by: 082 829 0838.

Tweede casino rower inhegtenis

25 Junie 2009 - Naranda Leeuwner

‘n Tweede verdagte is die week in hegtenis geneem wat met die Casino-rooftog in Witbank betrokke is. Volgens kapt. Leonard Hlati, woordvoerder van die georganiseerde misdaad-eenheid in die provinsie, is Bongani Dlala in ‘n hotelkamer in Hillbrow gearresteer. Die rooftog het op 13 Junie plaasgevind waar ‘n groep gewapende rowers op die Casino toegesak het. Hulle het verskeie skote op personeel en kliënte afgevuur. Hulle het ‘n onbekende bedrag geld geneem en van die toneel gevlug. Twee polisiebeamptes wat na die toneel gehaas het, is ook in die voorval geskiet. 21 koeëls het op die  polisievoertuig neer gereën, maar beide polisiebeamptes het die voorval oorleef. Drie gesteelde voertuie is ook op die toneel gevind. Een bakkie is klaarblyklik in Gauteng gesteel en die ander een in Witbank. Die rooi Jetta waarin die AK47gevind is, en in die skietvoorval gebruik is, is in KaNyamazane buite Nelspruit gesteel. Die eerste verdagtes is kort na die voorval gearresteer.

Bejaardes vir R50 aangeval.

24 Junie 2009 - Naranda Leeuwner

‘n Bejaarde paartjie is gister op hul dogter se melkplaas op Chrissiesmeer aangeval en van slegs R50 en hul selfone beroof. Kapt. Leonard Hlathi, provinsiale polisie woordvoerder, sê drie verdagtes het Tracy Pemberton se plaas omstreeks half-tien betree en die haar pa, Donald Gubb buite die huis gewaar. Hulle het om in die huis gedwing en hom, asook sy vrou, Yvonne, Tracy en een van hul werkers, Sameul Lukhele, vasgebind. Die verdagtes wou geld gehad het en het Donald met ‘n mes in die kop gesteek en Yvonne met ‘n skerp metaalvoorwerp oor die kop geslaan. Hlathi sê die drie verdagtes het drie selfone gestel en slegs R50 geneem en weggehardloop. Die paartjie is in ‘n bestendige toestand in die hospitaal. Die saak word nog tans ondersoek.

Nasionale krieketspelers rig plaaslike laerskoolspan af.

Die Laerskool Witrivier se eerste krieketspanne was in die bevoorregte posisie om die afgelope naweek deur twee Highveld Lion krieketspelers afgerig te word. Gerhard de Bruyn en Keegan Africa, twee van dié Hoëveld spelers het veral op vaardigheidsoefeninge gefokus en hulle ook geleer om goeie veldwerk kolfwerk en boulwerk te doen. Twee spanne is gevorm vanwaar hulle ‘n wedstryd gespeel het om die vaardighede toe te pas. Volgens Vanessa Roets, woordvoerder van die skool, het dié dag hulle goed voorberei vir die Natal se toer wat gaan plaasvind.

Die skool se eerste krieketspan gaan vanaf 19 tot 27 Junie na Richardsbaai in Natal vir hulle jaarlikse kriekettoer. Hulle gaan teen verskeie Natal se krieketspanne meeding in vriendskaplike wedstryde. Venessa sê die span het goeie vooruitsigte, veral omdat hulle die vorige seisoen se Laeveldwenners was en as die  naaswenners in Mpumalanga geëindig het. Volgens haar het die seisoen pas afgeskop, maar gaan die toer hulle voorberei vir die spanne in Mpumalanga teen wie hulle te staan gaan kom.

Twee Laeveldskole in Netbal finaal

Die Mpumalanga netbal finale wedstryde het die afgelope naweek in Middelburg plaasgevind. Die Hoërskool Bergvlam het teen die Hoërskool Nelspruit in die einstreid te staan gekom en met twee punte verloor met ‘n finale telling van 12 – 10 in Nelspruit se guns. Hoërskool Nelspruit het as die Mpumalanga wenners uit die stryd getree.

Ermelo Skoolhoof kap terug

Die Hoërskool Ermelo se beheerraad wat veg om Afrikaans in die skool te red, is ‘n bewys dat hulle die skool ten alle koste vir Afrikaanses uitsluitlik wil behou, het die hoof van Mpuamalanga se onderwysdepartement, Monwabisi Tywakadi, in sy aansoek by die konstitusionele hof gesê. Volgens Monwabisi het die department kapsie teen die hooggeregshof in Maart gemaak dat die beheerraad, en nie die onderwysdepartement, uitsluitlike mag het om die taal van ‘n bestaande skool te bepaal. Die beheerraad het begin 2007 geweier om die taal in die skool te verander om 27 leerlinge wat in Engels wou skoolgaan, te akkomodeer. Hofsake het in September 2007 aanvang geneem. Die departement het klaarblyklik in ‘n argument verlede week gesê die taal van die skool is drie-en-negentig jaar terug bepaal tot en met 2007. Toe ‘n aansoek ingedien is om die taal te verander, het die beheerraad volstrek geweier om dit ‘n dubbelmedium skool te maak. Volgens Monwabisi  moet die skool die sosiale veranderings in die land aanvaar en daarby aanpas soos talle ander skole in die land.

Rowers slaan toe in KaNyamazane

Vier gewapende rowers het ‘n man in sy dertigs oorval in sy huis in KaNyamazane gistermiddag. Die rowers het met verskeie gewere en vuurwapens die man aangehou en hom vasgebind. Hulle het sy skootrekenaar, twee Blakberry selfone en ‘n half-duisend rand beroof. Volgens supt. Aby Khoabane, provinsiale woordvoerder van die polisie, het die polisie nie daarin geslaag om die verdagtes te arresteer nie.  Hy sê hulle is nog besig met ‘n ondersoek, maar hulle is nie seker of die verdagtes met ander misdade in die Laeveld betrokke is nie. Die saak duur steeds voort.

Beamptes met vervalste sertifikate weer vrygelaat.

23 Junie 2009 - Naranda Leeuwner

Sameul Nkomo, Luzile Mazibuko en Sibongile Ngomane is gister op borgtog van een-duisend-vyf-honderd rand vrygelaat en hulle verskyn weer op 15 Julie in die hof. Die drie beamptes het hulle matrieksertifikate vervals en vir verpleegsters aansoek gedoen. Volgens Kapt. Leonard Hlathi, woordvoerder van die georganiseerde misdaad, het hulle die aanvraag ontduik en vir skoonmakers heraansoek gedoen. Hlati sê dit bring die getal tot vyf beamptes hospitale binne twee weke wat vervalsde matrieksertifikate ingehandig het. Die Mpumalanga premier, David Mabuza, druk dit ook op die hart dat bedrog nie ongestraf gelaat sal word nie.

Sabie krag gesny sonder waarskuwing

Sabie het vanoggend gebuk gegaan onder ‘n kragonderbreking nadat Eskom hulle sonder enige waarskuwing afgesny het. Verskeie inwoners was hoogs ontstoke en besighede kon nie normaal funksioneer nie. Eskom se woordvoerder, Eric Khosa, het egter in ‘n onderhoud met Radio Laeveld gesê hulle sal die krag aanskakel sodra die Thaba Chweu munisipaliteit hulle agterstallige rekening betaal. Volgens Nick van Rensburg, direkteur van die tegniese afdeling, wil dit voorkom of hulle wel vandag die rekning nog gaan betaal. ‘n Volledige onderhoud met verskeie partye word in Dagblad om 1h vandag bespreek.

Groot verblyftekort vir die 2010 sokker wêreldbeker.

22 Junie 2009 - Naranda Leeuwner 

Ongeveer vyf-en-vyftig duisend sokker-aanhangers moet nog verblyf kry vir die 2010 sokker wêreldbeker. Volgens die Seeff-voorsitter, Samuel Seeff, moedig hy mense aan om hulle huise oor die tydperk uit te verhuur om verblyftekort te voorkom.  Die Suid-Afrikaanse toerisme raad het in ‘n verklaring gesê daar is tans ‘n tekort aan vyf-en-sestig duisend beddens in Gauteng en ander dele van die land. Nelspruit het tans dertien-duisend beddens beskikbaar met Polokwane en Rustenburg beide vyf-duisend beddens en Bloemfontein veertien-duisend. Hy sê die tekort aan beddens skep ‘n goeie besigheidsgeleentheid vir Suid-Afrikaners ter waarde van vier-honderd-miljoen rand in die eiendomsmark.

 Sappi maak Innibos hande vuil

Robin Jansma

Casino roof verdagte aangekeer

22 Junie 2009 - Naranda Leeuwner 

‘n Tweede verdagte is die week in hegtenis geneem wat met die Casino-rooftog in Witbank betrokke is. Volgens kapt. Leonard Hlati, woordvoerder van die georganiseerde misdaad-eenheid in die provinsie, is Bongani Dlala in ‘n hotelkamer in Hillbrow gearresteer. Die rooftog het op 13 Junie plaasgevind waar ‘n groep gewapende rowers op die Casino toegesak het. Hulle het verskeie skote op personeel en kliënte afgevuur. Hulle het ‘n onbekende bedrag geld geneem en van die toneel gevlug. Twee polisiebeamptes wat na die toneel gehaas het, is ook in die voorval geskiet. 21 koeëls het op die  polisievoertuig neer gereën, maar beide polisiebeamptes het die voorval oorleef. Drie gesteelde voertuie is ook op die toneel gevind. Een bakkie is klaarblyklik in Gauteng gesteel en die ander een in Witbank. Die rooi Jetta waarin die AK47gevind is, en in die skietvoorval gebruik is, is in KaNyamazane buite Nelspruit gesteel. Die eerste verdagtes is kort na die voorval gearresteer.

Witrivier Laerskool krekiet toer na Kwa Zulu Natal.

17 Junie 2009 - Naranda Leeuwner 

Witrivier Laerskool se eerste krieketspan gaan vanaf 19 tot 27 Junie na Richardsbaai in Natal vir hulle jaarlikse kriekettoer. Hulle gaan teen verskeie Natal se krieketspanne meeding in vriendskaplike wedstryde. Vanessa Roets, woordvoerder van die skool, sê die span het goeie vooruitsigte, veral omdat hulle die vorige seisoen die Laeveldwenners was en as die naaswenners in Mpumalanga geëindig het. Volgens haar het die seisoen pas afgeskop, maar gaan die toer hulle voorberei vir die spanne in Mpumalanga teen wie hulle te staan gaan kom.

Nelspruit Skool Mpumalanga netbal wenner.

Die Mpumalanga netbal finale wedstryde het die afgelope naweek in Middelburg plaasgevind. Die Hoërskool Bergvlam het teen die Hoërskool Nelspruit in die einstreid te staan gekom en met twee punte verloor met ‘n finale telling van 12 – 10 in Nelspruit se guns. Hoërskool Nelspruit het as die Mpumalanga wenners uit die stryd getree.

Korrupte polisieman gearresteer

10 Junie 2009 - Naranda Leeuwner 

‘n Konstabel van die voertuig identifikasie-eenheid in Komatipoort, Ignitius Mathabe, is gister op aanklagte van korrupsie gearresteer. Volgens kapt. Leonard Hlati, woordvoerder van georganiseerde misdaad, wil dit voorkom of hy ‘n ongesteelde Mazda Drifter bakkie as gesteel aangemeld het, en terug aan die eienaar oorhandig moes word. Ignitius het ‘n  een-duisend-rand oorhandigingsfooi vir die Gautengse man gevra wat nie binne die polisie se beleid val nie.  Dis aan die polisie aangemeld wat tot die arrestasie gelei het. Die fooi is ook aan die voertuig-eienaar terugbesorg. Die verdagte is op een-duisend-rand borgtog vrygelaat. Sy saak kom weer op 26 Junie voor.

Mpumalanga regering trek saam.

Een van die verdagtes wat by die Lebombo grenspos gearresteer is vir die twee-en-vyftig-milijoen rand se dwelmsmokkelary in Mei-maand, het gister in die Komatipoort se rondgaande hof verskyn.

Emmaneul Memuse se saak is uitgestel tot more wat waar hy in die Barberton se magistraat gaan voorkom. Die ander verdagte, Jayime Chauke, is verlede week op ‘n borgtog van tien-duisend-rand vrygelaat.

Die twee is op 19 Mei by dié grenspos vasgetrek toe hulle met honderd-drie-en-tagtig komma sewe kilogram se heroin gevang is. Die twee mosambiekse burgers was onderweg na Johannesburg toe die polisie snuf in die neus gekry het. Kapt. Leonard Hathi het ons op Dagblad meer vertel.

Die SAPD se vrouenetwerk maak groot skenkings. 

Die Suid-Afrikaanse Polisie se Vroue Netwerk, het ‘n projek in samwerking met die polisie, SARS, binnelandse sake, Gift of the Givers, die department van Immigrasie en gemeenskapswerkers geloods om 400 komberse vir minderbevoorregtes te skenk in die Warm-hou projek by Oshoek. Hulle het ook warm sop vir die minderbevoorregtes bedien. Om ook sulke donasies te maak, kan Senior supt. Cynthia Mhlanga gebel word by:082 491 5843.

Mpumalanga regering trek saam.

08 Junie 2009 - Naranda Leeuwner 

Na aanleiding van Pres. Jacob Zuma se begrotingstoespraak vir die land, het die Mpumalanga provinsie ‘n drie dag samespreking by die Floreat Hotel in Sabie van stapel gestuur wat vanaf môre, 9 Junie tot Vrydag, 12 Junie, gaan plaasvind.

Volgens Ntime Skhozana, woordvoerder van die premierskantoor, is dit ‘n periodieke regeringsbeplanning waar alle LUR’e, hoofde van departemente en finansiële bestuurders  betrokke is.

 Onderwerpe wat geïdentifiseer is, sluit beter munisipale en regerings prestasies in, afname in misdaad en korrupsie, om gesondheidsadministrasie en die kwaliteit van dienslewering te verbeter, ontwikkeling van ekonomiese en landelike infrastruktuur en om werksgeleenthede te skep. ‘n Ander belangrike punt wat aangeraak gaan word, is om skoon lopende water deur die provinsie se landelike gebiede te kry.

Vyf verdagtes gearresteer na aanleiding van leerlinglisensie bedrog.

02 Junie 2009 - Naranda Leeuwner 

Die eienaar van die bestuuskool wat Vrydag in Kwamhlanga gearresteer is, het gister in die magistraat verskyn. Volgens die provinsiale woordvoerder van die georganiseerde misdaad, kapt. Leonard Hlati, het Eric Manana, wat die eienaar van die BJ bestuurskool is, vir Sibusiso Raliphandi as sy agent gehuur om leerlinglisensies namens die kliënte te skryf.

Hulle is op heter daad betrap en Vrydag gearresteer. Hulle is tans teen een-duisend-rand uit op parool, tot hulle saak op 24 Julie weer voorkom.

Hierdie arrestasie het gevolg nadat drie ander beamptes van die Steve Tshwete munisipaliteit in Middelburg verlede Woensdag gearresteer is. Leonard sê, Pirscilla Namane, Lillian Willemse en Shubie Seedat is gearresteer omdat hulle vals leerlinglisensies uitgereik het. Hulle is ook tans uit op parool tot hul saak op 18 Junie weer voorkom. Die polisie moedig die publiek aan om met sulke vervalste lisensies na vore te kom met die voorwaarde dat hulle nie vervolg sal word nie.

Australieë wink vir plaaslike spelers.

01 Junie 2009 - Naranda Leeuwner 

Twee plaaslike aksie krieketspelers van Nelspruit is vir die nasionale o.16 span gekies wat later vanjaar aan die wêreldbyeenkoms in Australië gaan deelneem. Michael Chandler van Penryn Kollege en Gawie le Roux van Hoërskool Nelspruit het beide die span gemaak. Michael het begin aksiekrieket speel toe die springbok afrigter, Eric Grimaldi, die sport in Nelspruit bekend gestel het. Eric was Michael se mentor, asook sy pa, wat ‘n kranige krieketspeler was. Michael is al vir die Laeveld se junior span, wat al twee keer aan die interprovinsiale toernooie deelgeneem het, gekies. Gawie is, vandat hy aksiekrieket begin speel het, vir die provinsiale span gekies. Hy het in die o.13 “All Stars” span gespeel en in 2007 het sy uitmuntende spel hom ‘n plek in die Suid-Afrikaanse o.14 span besorg waar hulle ‘n goue medalje in Brisbane, Australië gewen het. Hy is weereens vir die nasionale span gekies. Foto: Verskaf, Gawie le Roux, Michael Chandler

Bekende besigheidsman van Nelspruit in motorongeluk oorlede die naweek.

‘n Bekende besigheidsman in Nelspruit, wie se naam nog nie bekend gemaak kan word nie, omdat sy naasbestaandes nog nie almal in kennis gestel is nie, is die afgelope naweek in ‘n motorongeluk oorlede.  Dis nog nie seker presies wanneer die ongeluk gebeur het nie, maar volgens die plaaslike polisiewoordvoerder, Insp. Dawie Pretorius, was die polisie gistermiddag omstreeks kwart-oor-twaalf op die toneel op die Sabie/Lydenburg pad. Volgens Dawie het die man ‘n ongeluk met sy rooi Honda Jazz , drie kilometer voor Elmswood gemaak. Na bewering, wat nie deur die polisie bevestig kan word nie, het die ongeluk reeds Saterdagaand plaasgevind. ‘n Saak van strafbare manslag is geopen.