Baie welkom by Radio Laeveld, 'n gemeenskaps radiostasie wat vir
die eerste keer op 31 Mei 2003 begin uitsaai het. Dit is ook die
doel van die stasie om die gemeenskap se betrokkenheid in die
Laeveld aan te moedig. Die stasie maak 'n bestaan deur donasies,
borge, advertensies en luisteraars wat as lede 'n bydrae tot die
stasie se inkomste lewer.
Radio Laeveld saai uit op 100.5Mhz FM en
bereik die meeste dorpe in die Mpumalanga Laeveld streek. Daar
word voortdurend gepoog om die sein te verbeter en te versterk in
sodoende die bergagtige topografie van die Laeveld te omseil en
dan ook vir die luisteraars 'n beter ontvangs te verseker.
Radio Laeveld gebruik ook die Internet
as 'n middel om uit te saai. Jy kan dus van enige plek in die
wêreld na ons luister en selfs deelneem aan ons programme. Stuur
gerus 'n epos aan ons as jy vir jou vriende of familie wil
"hallo" sê.
Kliek
hierom die lys van liedjies deur te sien
of maak jou eie keuse vir plasing op ons speellys. Vul
gerus ook ons meningopname
wat kwartaaliks opgedateer word, in. Ons
luister graag na jou voorstelle en speel graag die
musiek wat jy wil hoor.
Oud Laevelder wen
in New zeeland
Roelf VanJaarsveld 11 November
Arnold du Toit
aangewys as Mnr Wereld Mnr NZ.'n
Paneel van beoordelaars in Nieu-Seeland het Arnold du
Toit Jnr aangewys as Mnr Wereld Mnr NZ vir 2009/10 nadat
kandidate aan verskeie keuringsprosesse sedert die begin
van 2009 ondewerp is. Die New Zealand Asia Pacific
Trust is die organisasie wat verantwoordelik is vir
die Mnr Wereld Mnr NZ kompetisie. Dit is ook die
organisasie wat verantwoordelik is vir die reelings ten
opsigte van die Mej Wereld Mej NZ kompetisie. Die
Voorsitter van die Mej Wereld kompetisie is Julia Morley
van die Verenigde Koningkryk. Arnold
verteenwoordig Nieu-Seeland in die Mnr Wereld kompetisie
wat in Seoul Suid Korea plaasvind in April aanstaande
jaar (2010).
Arnold is n
bestuurder by Turners Auctions te Hamilton, n
gekwalifiseerde spysenier, het reeds in n aantal TV
advertensies verskyn asook kleiner TV rolle. Hy is n
Christen wat sy beginsels openlik uitleef (sendingwerk
net waar hy werk), het n passie om minderbevoorregte
kinders te help en het n aktiewe belangstelling in
besigheidsontwikkeling en die ekonomie. Hy het reeds op
12 jaar sy eerte besigheid besit en self bestuur. Hy is
n aktiewe sportman met belangstellings in atletiek,
driekamp, gym (verskeie jare hiermee besig) en
kragoptel.
Arnold gaan fondse
insamel vir die 'Variety, the Children's Charity' as
deel van sy verpligtinge as Mnr Nieu-Seeland ten einde
insulien instrumente vir kinders te voorsien wat met
tipe 1 diabetes gediagnosieer is. Arnold Jnr is gebore
in Nelspruit in die Oos Transvaal en is die seun van
Arnold en Elfrieda du Toit en het n jonger broer Eduard
François. Die gesin was woonagtig in Parys sedert die
begin 90’s in die Vrystaat waar Arnold Snr Uitvoerende
Hoof/Stadsklerk was tot 2001. Die du Toits het verhuis
na New Zealand in 2002 en al die gesinslede is tans
besig met verdere studies. Arnold het sy skoolloopbaan
voltooi te Sasolburg onder die bekwame leiding van Mnr
JB van der Merwe en Marius Nel (Skoolhoofde), Mnr Theuns
Strydom (voormalige Adjunk Hoof en nou Departmentshoof
by Westlake Boys High in Nieu-Seeland) en Mnr Johan
Prinsloo (Skoolinspekteur). Hy was ook aangewys as n
uitruilstudent na Haverloo Skool te Belgie.
Laerkool Laeveld nuwe leiers aangewys
Laerskool Laeveld se nuwe prefekte vir 2010 is aangewys. Tydens
‘n instellingsfunksie wat deur beide die prefekte en hul ouers
bygewoon is, het hulle ‘n spesiale boodskap ontvang, is hul
balkies oorhandig asook die erekode van die skool. Die
prefekte gaan dan ook ‘n leierskamp bywoon waar sekere
vaardighede en handige wenke hul slaggereed gaan maak vir die
groot taak wat op hul wag.
Foto:
Laeveld se trotse prefekte vir 2010.
Voor
links na regs: Jeandré Wessels en Francois Joubert
Ry
1 links na regs:
Gideon
Engelbrecht, Jacques Odendaal, De Wet Boshoff, Cilene Coetzee,
Rischa Blom, Jade Phillips, Amelia de Kock, Naomi Steinberg,
Kathy-Anne Möller en Erin Hattingh
Ry 2 links
na regs :
Francois
Kroukamp, Arno Broekman, Coenie Kruger, Marnus Enslin, Dewaldt
Bothma, Jandré Vreken, Tiaan van der Merwe, Bianca van der Merwe,
Liza Scherman, Marné Vorster, Mareliza Hugo en Zola Khati
Met
besoekers op ons webwerf, kan jy ook die
blootstelling geniet deur hier te adverteer.
Kontak ons bemarkers by
admin@radiolaeveld.co.za
Ons kompetisie - KopSkrop - Bly
ingeskakel op Radio Laeveld vir lekker groot
kontantpryse wat gewen kan word - Maandag tot Vrydag -
Elke week !
