Motorfietsryer met mes gesteek

‘n Plaaslike motorfietsryer is die naweek deur ‘n groep verdagtes oorval, en met ‘n mes gesteek. Die voorval het in Henshallstraat in Nelspruit plaasgevind. Die aanvallers het daarna met die man se motorfiets gevlug. Lede van Hi-Tech Sekuriteit, wat besig was met ‘n roetine patrollie, het op die slagoffer afgekom en hom vir mediese behandeling geneem. Die span het later die motorfiets gevind waar dit in digte bosse weggesteek is. Callum McPherson van Hi-Tech het die voorval bevestig.