***Die verpleegvakbond Denosa het ‘n beroep op die regering gedoen  om  gesluite verpleeg opleidingkolleges te heropen.***Die Christen Demokratiese Alliansie se  woordvoerder oor godsdienssake, dominee Theunis Botha, het uitgevaar oor die feit dat ANC-leiers voortgaan om op die een of ander wyse vergelykings te tref tussen partyleiers en Jesus en gesê God is niemand se politieke speelbal nie.***’n 72-jarige inwoner van die Stillerweë ouetehuis in Kimberley  is gisteroggend vermoor toe sy haar oorlede man se graf in die Wes End begraafplaas besoek het.***'n Mynwerker is die naweek dood in 'n grondstorting by die Elandsrand goudmyn naby Carletonville aan die Oos-Rand.***Israelse magte en Hamas vegters het teen vanoggend laat nog gehoor gegee aan die brose skietstilstand in die Gazastrook.*** ‘n Switserse koerant berig dat die Irakse joernalis wat sy skoene na president George W. Bush gegooi het politieke asiel in Switserland soek.***Die Amerikaanse president, George W. Bush het 'n dekreet uitgevaardig dat die Suider Afrikaanse Ontwikkelingsgemeenskap Amerikaanse militêre bystand vir vredesmissies in Afrika kan ontvang.*** Die Nieu-Seelandse eerste-minister John Key het ten spyte van ‘n gebreekte arm die naweek deurgedruk en 120 rugbyspelers elk ‘n handdruk gegee.***En nou  die jongste markaanwysers: ‘n Dollar kos 10 rand 4, ‘n Britse pond 14 rand 74 sent en ‘n Euro 13 rand 30 sent.Goud het ‘n ruk gelede rondom 842 dollar 10 per fynons verhandel en platinum teen 966 dollar 50 sent.Die jongste prys van Brent Noordsee- olie is 45 dollar 85 sent per vat.